अहिराणी कविता
मनी मायना भाऊ,मन्हा बापना साया,
मनी मायले लेवाले उना ....||
माले म्हने, चालवं पोरी आमना बरबर,
लि देसू तूले, पोलकं परकर,
पिकी जायेलशे,मोहोर अंबाना,
लागी जायेलशे,तंबू जत्रांना,
मना मामा लेवाले उना ....||
दाखाडसु रामलीला,बसाडसू पायनाम्हान,
वाजाडजो पिपानी,मामींना कानम्हान,
वाक्या लेसू,लछ्या लेसू,लेसू पूतया रुप्याना,
गुईनी जिलबी,गोडीशेव,आँखो चिवडा खासु मजाना,
मना मामा लेवाले उना ....||
हाड्या-चिड्यासनी गर्दीशे धाबावर,
कुल्डया,पापड सुकतस त्यानंवर,
निमना झाडले बांधेलशे,झोका उचाना,
त्यानंवर बसीसन,म्हनजो गाना आखाजीना,
मना मामा लेवाले उना ....||
डोयाम्हान तेल टाकीसन,आजली वाट देखी राह्यनी,
दुधनी साय देखाले, जिवले तरसी ऱ्हायनी,
भलता जीव गुतस तुन्हा मान मामांना,
कारन तुनी माय दोनदा येसना नावं म्हान,मामांना ,
मना मामा लेवाले उना ....||
अविकल्प ...
